This is Official Forums Of Indian Comics Universe Fan Club and Organisation.
 
HomeCalendarFAQSearchMemberlistRegisterLog in
ICUFC CHAT

Share | 
 

 The Beginning of an End~~~Part1

View previous topic View next topic Go down 
AuthorMessage
prince caspian
Newbie
Newbie
avatar

Male Zodiac Pisces Chinese zodiac Rooster
Posts : 22
Join date : 2012-06-19
Age : 24
Location : Bokaro STeel City, Jharkhand

PostSubject: The Beginning of an End~~~Part1   Wed Jun 20, 2012 9:59 pm

PART----1

NOTICE

Iss kahani mein istemal kiye gaye sabhi patra aur ghatnayein kalpanic hain. Ye kisi bhi prakar se sach se sambandhit nahi lakhta, chahe vo jeevit ya mrit ho. Agar aisa hota hai to ye matra sanyog kaha jayega.

---------------Author







SCENE-----1
Date:- 13 Dec 2012, Time:- 9:30PM
Place:- Vatican City
(Ek ghar ka scene)

Martha: Madam, raat ka khana ban gya hai. Sophia madam bhi so chuki hai. Saara kaam khatam ho gya hai. Ab main jau?

Sarah: Haan ab tum jao. (wall clock mein time dekhte hue)Ye Jenny kyun nhi aayi. Use pata hai ki aaj mera night shift hai. Fir bhi hamesha ki tarah late. Tum chali jao der bhi ho gyi hai.

Fir Martha chali jaati hai. Sophia isi beech nahane ke liye jaati hai aur shover on karti hai. Achanak TV set on ho jaata hai.

Sarah: (darte hue)Ye TV kaise on ho gya hai. (jaakar switch off karti hai. Achanak use piche kisi ke chalne ki awaz sunai deti hai. Tezi se piche murti hai) Ka…kaun hai? Kaun hai vahan? Sophia tum ho kya? (dhire-dhire parde ki taraf barhti hai aur darte hue ek jhatke ke saath parde ko kholti hai par wahan par koi nhi rehta hai. Use tabhi sirhiyon par kisi ke chalne ki awaz sunai deti hai. Vo piche palatati hai. )

Sarah: Kaun hai sirhiyo par. Kahi koi Sophia ko nuksan to pahunchane nhi aaya? (sirhiyon par bhagkar upar Sophia ke kamare mein jaati hai ) Thank God! Sophia theek hai. (Itna kehkar vo piche murti hai. Use apni zindagi ka sabse bara aur akhiri jhatka lagta hai. Ek cheekh ke sath uski jeevanleela samapt ho jaati hai.)

SCENE-----2
Date:- 14 Dec 2012, Time 1:30 AM
Place:- New Delhi, India

(Ek church ka scene. Bahut saare log red cloaks(labade) mein khare hai. Darwaze se ek usi tarah ka aadmi ek 3-4 saal ki behosh bachi ko godi mein uthaye dheere-dheere aage barh raha hai. Uske piche ek padri grail liye chal rha hai aur kuch mantra bud-buda raha hai. Grail se agarbatti ka dhuan nikal raha hai. Unke piche aur bhi kuch log chal rahe hain. Larki ko saamne Christ ki pratima ke saamne leta deta hai. Do log uss bachi ka dono hath ‘cross’ par laga dete hain. Isi mein uss bachi ko hosh aa jata hai. Jo admi use laya tha, vo age barh kar do bari keele(nails)aur hathaura uthata hai. Ek keel bachi ke left palm par lagata hai. Aur hathaura se uspar vaar karta hai. Bachi dard se chillati hai. Par vo rukta nhi. Bachi bahut roti-chillati hai. Par uss krur shaks par iska koi asar nhi hota hai. Pura girjaghar uss bechari bache ki awaz se gunj raha hota hai.)

Rahul: (chikhte hue) Nahi! (uth kar baithta hai. Kuch der tak use apne manobhav ko samanya karne mein vakt lagta hai.) Oh God! fir vo sapna! Ye iss mahine mein teesri baar aisa ho raha hai. (Bed se uthkar table ke paas jaata hai. Jug se paani glass mein daalta hai.) Pata nahi kaun itna krur ho sakta hai jo itni giri hui harkat kar sakta hai. (paani pee kar) Ab to neend aane se rahi. Horror movie jo dekha. Thora channel ghuma kar dekhte hai, shayad neend aa jaye.

(Rahul dusre kamre mein jaata hai. Dusra karma kaafi saaf-suthara hai. Ek or book shelf hai jisme kai tarah ki kitabein(books) rakhi hui hai. Fiction se lekar dharmik kitab etc. Dusri or TV rakha hua hai aur uske saamne sofa. Sofe ke bagal mein glass ka table hai. Rahul sofe par baithta hai aur TV switch on karta hai. Remote se channel change karte rehta hai. Uski ungli ek news channel par aakar rukti hai.)

Reporter: Breaking News! Abhi-abhi hamare sutron se ye khabar aa rahi hai ki Vatican City mein ek mahila ka bahut bedardi se katl kar diya gaya hai. Tasveerein apko vichleet kar sakti hai isliye hum ise dhundla karke dikha rahe hai. Katil ne bahut hi behrahmi se yuvati ke do tukre kar diye hain. Yuvati ka naam Sarah bataya jaa raha hai jo Los Angeles ki rehani waali hai. Police iss hatya ki tafteesh karne mein lagi hui hai.

(TV par uss laash ki tasveer dikhayi jaati hai.)

Rahul: (chaunk kar) Ye nishan! Ye..ye…kaise possible so sakta hai. Ye to lupt ho chuki thi. Fir itne varshon ke baad.

(Rahul tezi se Book-Shelf ki or daurta hai. Shelf se kuch kitabein nikalta hai aur panne palatne lagta hai. Jaise jaise vo panne palatata hai, uski bhavein(eye bros) sikurne lagti hai. Fir turant internet par surfing karta hai. Aisa 1 ghante tak chalta hai.)

Rahul: Agar ye sabh sach hai to bahut bara anarth hone waala hai. Ise kisi bhi haalat mein rokna hoga. Rokna hi hoga. Aur aisa sirf Vatican City jaakar hi ho sakta hai.

Scene-----3
Date:-14 Dec 2012, Time:- 10:30AM
Place:- New Delhi Airport

(Rahul ticket counter par jaata hai. Vahan par lambi line lagi hui thi. Line mein lagta hai. Kuch der baad uska number aata hai.)

Counter par baithi mahila:- Mr. Rahul! Ye raha apka ticket. Verify kar diya gaya hai. Flight 2322 Air India land kar chuki hai aur 12:00 baje take-off karegi. Apki yatra mangalmay ho.

Rahul:- (muskura ke)Thank You!

(Aur fir Rahul bench par baith jaata hai.)

Time: -11:30AM

Announcement:- Flight Air-India 2322, New Delhi to Vatican City jaane waale passengers check-in ke liye Door 3 par prasthan kare. Thank You.
(Aur fir saare formality pure karne ke baad Rahul flight mein baith jaata hai. Vo iss baat se bilkul hi bekhabar tha ki uss par nazar rakhi jaa rahi thi.)


Scene-----4
Date:- 14 Dec 2012, Time:- 6:45 PM
Place:- Vatican City

Announcement: Flight jald hi Vatican City airport par land karne waali hai. Sabhi passengers apni seat-belt bandh le. Seat par se tab tak na uthe jab tak flight puri tarah se land na kar jaye. Thak You. Ummed hai ki aapki yatra mangalmayi rahi ho. Dhanyawad.

(Fir flight land karti hai. Rahul flight se nikalta hai aur formalitites puri karke Airport se jaata hai. Baahar kai taxis aur cabbys lagi hui thi. Pure Vatican City mein carnival jaisa mahaul tha.)

Rahul:- (chillakar) Taxi!

(Ek taxi uske saamne jaakar rukti hai. Rahul usme baith jaata hai.)

Driver: Kahan jaana hai monseigneur?

Rahul:- Yahan ke kisi ache Hotel mein chalo.

Driver: Samajh gaya. (Taxi start karta hai) Main apko tourists ki pehli pasand mein le chalta hoon.

Rahul: Yahan abhi koi festival chal raha hai kya? Kaafi bheer-bhar hai.

Driver: Haan monseignieur. Iss vakt hum saal ka akhiri aur sabse mahatvapurn carnival Calcio Storico manate hain. Ye carnival ek tarah se ishwar ko dhanyawad den eke liye manaya jata hai. 10 dino ka festival hai ye jisme sabhi Vatican city ke log aur teeno pramukh cardinals bhaag lete hain.

Rahul: What a rich culture and heritage!

(Inhi baton mein ve Hotel pahunchte hain. Rahul taxi se baahar nikalta hai aur taxi waale ko paise deta hai. Taxi fir chala jaata hai.)

Rahul: (lambi sans lekar) Hotel Vatican Vista. (Andar jaata hai.)

Receptionist: May I help you sir?

Rahul: A suite for one.

Receptionist: How many days sir?

Rahul: For 4 days.

Receptionist: (kuch likhne ke baad) Please sign here. (Rahul sign karta hai) Here sir your room keys.

Rahul: (Room keys le kar) Thank you!

(Fir Rahul room mein jaata hai aur darwaza lock kar deta hai. Kuch refresh hone ke baad vo luggage se kuch kitabein nikalta hai. Fir table par kuch panne palatne lagta hai.)

Rahul: (chaunk kar) Oh!...aaj bhi ek mahila ka katl hone waala hai. Abhi tak to aisi koi news nahi hai to iska matlab abhi katl hua nahi hai. Ab main kya krun. Police ko bataunga to ve mujh par vishwas karne se rahe. Kya karun mai.(Tabhi uske dimaag mein kuch aata hai)Are haan. Aaj to carnival shuru hai. Vatican City ke saare log iss vakt carnival, mein hissa le rahe honge. Shayad katil ka bhi pata chal jaye.

(Itna kehkar Rahul ek lamba coat pehanta hai. Side bag mein kuch kitabein dalta hai aur tezi se room lock karke hotel se baahar jaata hai. Vo baahar carnival mein shamil ho jaata hai. Betahasha idhar-udhar daurta hai.)

Scene------5
Date:- 14 Dec 2012 Time:- 9:30PM
Place:- Vatican City

Rahul: (Kisi anjaan mahila se) Kya ye aapka naam hai? Ya fir iss naam se aap kisi mahila ko jaanti hain?

Anjaan Mahila: Nahi, aisi kisi mahila ko main nahi jaanti.

(Aur fir anjaan mahila vapis carnival mein gum ho jaati hai. Rahul kai baar aisa prayas karta hai. Par asafal ho jaata hai. Carnival ab St. Peters Square pahunchta hai.)

Rahul: Ab main kya karun. Please God help me.

(Shayad God ne Rahul ki baat sun li. Use kuch mahilayein ek gali mein jaati dikhayi deti hain.)

Rahul: Ye mahilayein inn galiyon mein jaa rahi hai. Agar target iss bheermein hai to mujhe doubt hai ki katil uska khoon karega. Kya kru. Risk lena parega. Unke piche jaana hoga. Kya pata unme se hi koi target mahila ho.

(Rahul bheer se apne aap ko kisi tarah nikalta hai aur uss gali mein jaata hai. Par der ho jaati hai aur vo mahila aankhon se ojhal ho jaati hain. Betahasha Rahul idhar udhar daurta hai aur unhe khojne ki koshish karta hai. Ant mein vo do galiyon ke muhane par aakar rukta hai.)

Rahul: (gusse mein)Shit! Damn it! Fir se ankhon se ojhal ho gayi.(Itne mein use piche se aawaz sunai deti hai)

Aawaz: HandS Up! Apne hathon ko sir pe rakho. Hilna mat. (Rahul hands up kar leta hai) Good! Ab dheere-dheere piche muro. Koi chalaaki mat karna.

(Rahul piche murta hai. Vo apne aap ek aadmi ,jo kala suit aur kaala chashma pehne hue hai, aur kuch swiss guards se ghira hua pata hai. Kaale suit waale admi ki shakl use jaani-pehchani lagti hai.)

Rahul: (surprised) Nilabh, tum! Yahan par!

Nilabh: Rahul, tum yahan kya kar rahe ho. (Swiss Guards se)Put your guns down men.

Rahul: Abhi iss sab ka vakt nahi hai. EK mahila ka katl hone waala hai. (Tabhi kisi ke cheekhne ki aawaz sunai deti hai. )

Nilabh: (ishara karte hue) Uss taraf!

(Dono aur swiss guards tezi se aawazki disha mein bhagte hain. Kuch der bhagne par unh eek mahila ka shav milta hai)

Nilabh: Oh god! Usi tarah ki hatya aur vo bhi iss bheer-bhaar vale ilake mein. Maine aaj tak kai dead bodies dekhi hain. Par aisa sirf dusri baar. Kaun kar sakta hai aisa.

Rahul: Maine tumhe bataya tha. Hum ise bacha sakte the. Par tumhe mujh par shak kyun hua.

Nilabh: Carnival mein tum idhar-udhar daur rahe the to hame shak hua. Pehle katl ke baad surakha kari kar di gayi hai. Par tumne kaise jaana ki dusra katl hone waala hai aur vo bhi iss tarah se.

Rahul: Ye lambi kahani hai. Aur kya pata tum iss par vishwas karoge ya nahi.

Nilabh: Main tayar hoon. Carnival ke samay aisa hona, sirf aur sirf shaher mein dehshat failayega aur kuch nahi. Abhi tak hamare hath kuch bhi pukhta sabut nahin laga hai pehle murder par. (Fabio se) Lash ko post-mortem ke liye bhej do. Aur iss place ko seal kar do taki koi aye nhi yahan. Aur do guards ko rakhwali ke liye laga do.

Fabio: (Transmitter par) St. Peters Square par ambulance bhejo. Jaldi!

(Tabhi unhee media ki aawaz sunai deti hai. Bahut saare media vans aakar rujte hain aur reporters unse baahar nikalte hain. Rahul aur Nilabh piche murte hain.)

Nilabh: Are inhe iss katl ke bare mein kaise pata chala. Ye media wale kahin bhi aur kisi bhi vakt pahunch jaate hain.

Fabio: (Swiss Guards se) Roko unhe. Ye crime scene hai.

(Kuch Swiss Guards unhe rokne ke liye daur parte hain aur kisi tarah bari mushkil se unhe rokne mein safal ho jate hain.)

Rahul: Yahan se nikalna hoga nahi to reporters hamara sir(head) chat jayenge. Dusre raaste se nikalte hain.

Nilabh: Sahi kaha. Chalo kisi coffee shop mein baith kar batein karte hai. Itne dino baad mile hain.Aur aise bhi post-martem report ke aane mein samay lagega.

Rahul: (Dono chalte hue) Tumne vahan par se evidence nahin uthaya?

Nilabh: Yahan par iske liye alag branch hai. Crime Scene Investigators. Unka kaam hi hai saare evidence collect karne ka.

Rahul: Ye to ajeeb baat hai.

Nilabh: Lo coffee shop bhi aa gayi.

(Dono chair nikal kar baithte hain. Ek waiter aata hai.)

Waiter: Your order sir?

Nilabh: One cappuccino.

Rahul: One plain coffee. (Waiter chala jaata hai) To Nilabh, tum to school ke dino ke baad to jaise gayab ho gaye. Number bhi change kar iya tha. Kya baat hai. Mujhe to laga ki agar kabhi milunga to koi avishkar kar rahe hoge. Fir iss field mein?

Nilabh: Haan yar lambi kahani hai, kabhi fursat mein sunaunga. Tum batao, tum kya kar rahe ho. Professionally?

Rahul: Forensics. Abhi Forensics mein as lab sahayak kaam kar raha hoon New Delhi CBI mein.

(Itne mein order aa jati hai.)

Nilabh: (chuski lete hue) Haan to tum bata rahe the ki tumhe pata tha ki ye khoon hone waala hai. Kaise?

Rahul: Mujhe to uss aurat ka nam bhi pata hai jiska katl hua. Ab main jo tumhe bata raha hoon, vo dhyan se sunana. (Apne side-bag se 2-3 kitabein nikalta hai.)

Nilabh: (surprised) Voooo…. Bible! Tum kab se inn cheezon par vishwas karne lage.

Rahul: Jo baate main bataunga use sunkar tum bhi vishvas karne lagoge. Ab batao mujhe kya cheez common hai iss katl aur pehle waale katl mein?

Nilabh: Yehi ki dono ka berahmi se do bhagon mein katl kar diya gaya. Aur fir unke khoon se kuch ajeebo-gareeb nishan banaye gaye. Shayad khooni sanki hoga. (sochte hue aur apne hothon par haath ferte hue)Aur ki ve dono mahilayein hai.

Rahul: Mera kaam ho jayega. Ab ye katil shayad sanki lag raha ho par vo katil ek sadiyon purane cult se jura hua jise purane jamane mein ordeali kaha karte the. Ye isa purv(before AD) se pehle ke rehne waale cults mein se ek hain.Ye pehle ishwar ke hi pujare the. Parantu jab inka gaon ek bhayanak bhar(flood) se tabah ho gaya to ye shaitan ke pujari ho gaye.

Nilabh: Bas itne mein hi?

Rahul: Agar ek baar flood ati to na….iss cult ne baar-baar apna gaon basaya aur har baar tabah ho gaya. Darasal ye kaam ishwar ka nahi balki shaitan ke bheje hue doot ka kaam tha jo apne liye pujari chahta tha. Uss doot ne bhi ordealyon ko ishwar ke khilaf bharkane ka kaam kiya. Ant mein unki mati maari gayi aur ve iss shaitan, jisse unhone Behemoth ka naam diya, ke pujari ban gaye. Unka manana tha ki jab shaitan dharti par ayega to ek naya brahmand rachega jisme sirf sukh, shanti hogi. Sabh jeev ek saman honge.Isliye unhone jyada se jyada logo ko Illuniod mein convert karne ka prayas kiya. Jo log convert nahi hote unhe maar diya jaata.

Nilabh: (Beech mein rokte hue) Par inn baton ka katl se kaise sambandh hai. Aur tumhe pehle se pata tha ki aaj katl hone waala hai.

Rahul: Sunte jao. Behemoth bhi dharti par aana chahta tha. Aur iske liye use chahiye tha bhakti ki aseem shakti. Par use jaankar ascharya hua ki vo ab bhi dharti par nahin aa sakta. Usne apne doot ko iss baat ka pata lagane ka aadesh diya. Vo doot apne kaam mein lag gaya. Idhar ordealyon ka atyachar barhta gaya. Uss samay raaj karne waale raja William Luke I se ise rokne ke liye apni puri taakat jhonk di. Pure army ko in ordealyon ko chun-chun kar khatam karne ka hukm diya. Unka prayas sarahniye tha, par tab bhi katl hote rahe. Ye sabh ishwar se dekha nahi gaya. Aur tab vo Jesus Christ ke roop mein Bethlem mein janm hua. Unka maksad tha bhole bhale ordeali ko shaitan ke changul se nikalne ka. Shaitan iss baat se katai anjaan nahi tha. Usne kutil chalon dwara Christ ko bhi illoniad ghoshit karva diya. Par Christ jis maksad se aaye the, ve unme laghbag kamyab ho gaye. Par tab bhi kuch kattar illniod the jo Christ ko jeevit nahi dekhna chahte the. Unhone Luke Constantine, jo William Luke ke putra the, ko ek sajish ke tahet fansaya aur unhe ye manane par majboor kar diya ki Christ bhi ek ordeali the. Constantine unke baton mein aa gaya aur Jesus ko crucify karne ka hukm de daala. Christ samajh chuke the ki unka vakt ab dharti par pura ho chukka tha. Crrucification ke ek din pehle unhone apne 10 disciples ko bulaya aur ek raaz ki baat batayi.

Nilabh: Kaisi baat?

Rahul: (ek page mein point karte hue) “M XII partibus singulis annis fui nativitatem sacra ferens et usque ad terram bethlem quoad temperamentum est inter bonum et malum “

Nilabh: Matlab?

Rahul: “Every 1000 years I have been taking birth in 12 parts on this sacred land of bethlem and will continue to take so as long as there is a perfect balance between good and evil.” Aur unke naam bhi unhone bataye. Ve unhi naamon ke roop mein janmenge. Aur agle hi din unko crucify kar diya gaya. Aur ye baat unn 10 disciples ne pirhi-der-pirhi chupaye rakha. Par jab 14century mein jab saare Bible parts combine kiye jaane lage tab unn disciples ke vanshajon ko laga ki itna important baat chupaya nahin jaana chahiye. Unhone charon pope, jo bible ko combine kar rahe the, ko ye baat batayi. Saare Pope iss baat par do paksh mein bant gaye. Ek paksh chahta tha ki khabar sabhi ko pata chale, to dusra nahi. Fir unhone faisla kiya ki ise anshik roop se bataya jayega. Sirf 12 insano waali baat Bible mein likhi gayi par unke naam nahi. Naamo ki jaankari puri tarah se lupt na ho jaye isliye sirf ek bible ki copy mein ve naam likhe gaye jo iss vakt Vatican City ke Archives mein hai. Shaitan samajh gaya ki vo dharti par kyun nahi aa saka. Ve 12 bhag hi iska kaaran the. Agar vo unn 12 mein se kinhi 8 ko bhi maarne mein safal ho jaata hai to dharti par uske aane ka raasta saaf ho jayega.

Nilabh: To tumhaare mutabik koi ordeal ko ve 12 naam pata chal chuke hai aur vo chun-chun kar khatam kar raha hai. Aur ve nishan shaitan…kya naam bataya…haan Trichochond…jo bhi hai ko bulane ke liye banaya hai. Jahan tak meri jaankari hai to Bethlem hi aaj Vatican City. To iska matlab aur 12 khoon hone waale hain yahan par.

Rahul: Theek kaha. Are meri coffe thandi ho gyi . (Ek ghunt mein pee jaata hai.)

Nilabh: Agar aisa hai to usne pehle kyun nahi iski koshis kari.

Rahul: Ki thi. Jaante ho jab Galileo ne ye theory diya ki prithvi gol hai aur vo suraj ke chakkar katata hai to use apne hi ghar mein dharm ke followers dwara nazar band kar diya gaya.

Nilabh: Haan kyunki Galileo radical vicharon aur khayalon waala tha.

Rahul: Galat. Sabh aisa hi sochte hain. Par asal kaaran ye tha ki Galileo ne anjaane mein hi un namon ko jaan liya tha. Jab vo ye discover kar raha tha ki prithvi surya ke charon or chakkar katati hai to Vo ye bhi jaan gaya tha ki jab Sun, Earth, Mars aur moon ek seedhi line mein ho to ek mahashubh ghari banti hai . Kaise mujhe nahi pata. Aur isliye use kaid bhi ordealyon ne kiya tha jo 14 century se dharm guruyon ke vesh mein jeevan jeene lage the. Un par dabav daala gaya ki vo saare naam bataye par usne aisa nahi kiya. Jab dabav jyada barha to unhone aatm hatya kar li.

Nilabh: Ek minute…jab naam sirf ek Bible ki kitab mein tha to Galileo ko naam kaise pata chala?

Rahul: Vaise hi jaise mujhe pata chala.

Nilabh: Mujhe yakeen nahi….(Mobile ki ghanti baj uthti hai)Oh.excuse me..(call uthata hai)Hello!...haan…hummm…acha..bariya…thank you doc. (mobile rakh kar) Haan to tum naam bata rahe the uss aurat ka.

Rahul: Uska naam Arianna tha.

Nilabh: (chaunk kar) IMPOSSIBLE! Kaise pata chala tumhe ye naam? Abhi abhi Fabio ka call aaya, Fabio Swiss Guards ka head hai. Usne pata lagaya ki naam Ariyanna hi hai.

Rahul: Bataunga...thora patience rakho. (serious tone mein)Par Usse pehle Tumhe ek baat aur janana jaruri hai ki saare katl 20 Dec tak hi ho jayenge agar hum unhe nahi rok paye.

Nilabh: Tum ek ke baad ek jhatke dete jaa rahe ho. Ab aisa kyun hai.

Rahul: Jaante ho 21Dec2012 kaun si tithi hai. Ye vo tithi hai JAB MAYAN CALENDAR SAMAPT HO JAATA HAI! Ye wo din hai jab 10000 salon mein pehli baar Surya, Prithvi, Mangal aur Chandrama ek seedhi line me honge. Aur iss maha ashubh avasar par 12 bhagon ko nasht karne par shaitan dharti par vapas aa sakega!


-------------------------------------------------------------------------------------------------------------------------------------------------------------------------------To Be Continued…………………
Back to top Go down
View user profile https://www.facebook.com/RahulShaunRanjan
 
The Beginning of an End~~~Part1
View previous topic View next topic Back to top 
Page 1 of 1
 Similar topics
-
» Envoy of the Beginning
» When the buds are beginning to swell?
» The Beginning of the N: Chapter 1
» The real reason why Black Luster Soldier - Envoy of the Beginning is Limited.
» The BEANO: Is this the beginning of the end?

Permissions in this forum:You cannot reply to topics in this forum
Indian Comics Fan Universe Club :: WORKSHOP :: WRITING WORKSHOP :: STORIES IN PROGRESS-
Jump to: