This is Official Forums Of Indian Comics Universe Fan Club and Organisation.
 
HomeCalendarFAQSearchMemberlistRegisterLog in
ICUFC CHAT

Share | 
 

 SHADYANTRA

View previous topic View next topic Go down 
AuthorMessage
Aman kumar
Moderator
Moderator
avatar

Male Posts : 159
Join date : 2012-06-19

PostSubject: SHADYANTRA   Sun Apr 14, 2013 9:01 pm

bhedia ke rajya vulfano par hua vampires ka hamla. Par kya vakayi ye sirf ek hamla tha ya iske phichhe racha ja rha tha koi shadyantra? Aur kya bhedia nikal paya is shadyantra se?
Back to top Go down
View user profile
Aman kumar
Moderator
Moderator
avatar

Male Posts : 159
Join date : 2012-06-19

PostSubject: Re: SHADYANTRA   Tue Apr 16, 2013 1:46 pm

Part-1

Asam ka jungle-

Masaba kobi ko khoj rhi hai.

Masaba- kobi kobi kha ho tum. Mujhe tumhare sath khelna hai. Kitne din ho gye hai mujhe tumse mile huye.

Koi jawab ni aata. Masaba jungle ke ek kabile se dusre kabile me kobi ko ghumte fir rhi thi. Masaba buri tarah se thak gyi thi par uspar kobi se milne ki dhun sawar tha.

Masaba- kobi ab s..samne bi aa jao. d.dhekho mai buri tarah thak gyi hu. Kidhar ho tum?

'Tumhe kobi se milna hai chalo mai tumhe kobi ke pas pahucha deta hu narak me'

Chand ki dudhiya roshni me barf ki manind chamak rha shakhs masaba ke samne aa khada hua tha. Uski aage ki aur nikle dant behad bhayanak the.

Masaba- k...kaun ho tum? Aur kobi kha par hai?

Vampier- mai ek vampier hu. Mujhe khun peena behad pasand hai. Aur mujhe bachcho ka khun behad priy hai. Isse mujhe shakti milta hai. Aur tumhara khun peekar mai tumhe mar dalunga aur fir kobi ko khojkar use bhi mar dunga. Kobi ke marte hi hum vulfano ko jeet lenge. Par ye mai tujhe kyu bta rha hu? Tera isse kya vasta? Tujhe to meri bhukh ko mitana hai. Khun peene ki bhukh ko.

Masaba vampier ki bate sunkar buri tarah se aatankit ho jati hai. Aur dar ke mare bhagne lagti hai. Vampier pedo par uchhlate-kudte uske samne aa jata hai.

Vampier-mujhse bachkar bhagna aasan nhi hai.

Aur vampier masaba ko pakadkar uska khun pine hi wala hota hai ki tabhi use bhedia ki lat padti hai.

Bhedia- bhedia ke junglo me aaye ho to bhedia ke bnaye kanun ka palan karo warna bhedia tumhara samul nash kar dega.

Vampier- hhh mai tujhe hi dhundhta fir rha tha vulfano vasi. Vulfano par raj karne se pahle vulfano ke yuvraj 'kobi' ka marna jaruri hai. Fir vulfano vasi bina pratirodh ke samrpan kar denge.

Bhedia (soch me)- vulfano. Isne vulfano kyu kha? Kya vasta hai iska vulfano se? Aur ye vulfano par hamla kyu kar rhe hai?

Bhedia abhi ye soch hi rha tha ki vampire chhalang marta hai uspar. Par bhedia chaukna tha aur wah ek taraf ko ho bach jata hai. Jhunjhulakar vampire ek nukili tahni ko bhedia par de marta hai. Rocket si gati se fenka tahni bhedia ke ek hath ko kharoch marta nikal jata hai. Lekin kuchh hi pal me bhedia ki kamar petika ki shakti ke karan bhedia ka ghav thik ho jata hai.

Vampire- oh to tujhme chamatkari shaktiya bhi hai. Maine tujhe sadaran bhedia samajhkar bhool kar diya. Ab sambhal mere varo ko. Hme aajad karane wale ne hme kayi chamtkari shaktiya prdan ki hai.

Agle hi pal vampier gayab ho jata hai. Aur adrishya rup me bhedia par hamla shuru kar deta hai. 2-3 war khane ke bad bhedia vampire ko apni punchh me lapet leta hai.

Vampire- tune mujhe dhundha kaise?

Bhedia- jab bhi tu idhar se udhar daud rha tha to tere chalnd ke karan zameen par bhikhri patiya mujhe teri sthiti darj kara deta tha.

Vampire-bura kiya,apne liye bahut bura kiya tune. Ye raaj btakar tune mujhe chaukna kar diya hai. Ab mai jameen par kadam hi nhi rakhunga aur na tu mujhe dhundh payega.

Vampire bhedia ki punchh ko kat deta hai aur aajad ho jata hai. Bhedia ko isse koi fark nhi padta kyuki uski jagah nyi punchh ug gyi thi. Par vampire aajad ho chuka tha aur vah pedo par se hi bhedia par war kar rha hai bina jameen par kadam rakhe.

Bhedia(sochta hai)- oh ye to lagatar mujh par war par war kiye ja rha hai aur mujhe bachav ka koi rasta samajh me nhi aa rha. Jaldi hi koi upay na mila to ye mujhpar koi ghatak hamla bhi kar sakta hai.

Vampier bhi bhedia ki hi tarah soch rha hai.

Vampire- ispar kisi war ka asar nhi ho rha. Iske 'sir' par hi hamla karna hoga.

Aisa soch vampire ke sir par hamla karne ke liye bhedia par jhaptata hai par bhedia vampire ke gale ko daboch leta hai.

Vampire- tune mujhe kaise dhudh liya? ab to mai zameen par bhi nhi chal rha tha.

Bhedia- gandh. Tu khi par bhi chala jaye par tu apni gandh ko nhi rok sakta. Aur bhedia manav hone ke karan mai teri gandh ko sungh sakta hu. Ab tu khi bhi chala jaye tu mujhse bach nhi sakta. 'he bhedia devta madad'

Bhedia vampire ka sir phod hi deta gada se par tabhi vampier bhedia ke kdo ko utar deta hai jisse bhedia gda ko sambhal ni pata aur gada gir jati hai. Is afra-tafri me vampire aajad ho chuka tha.

Vampire- hhh mujhe teri takat aur kamzoriyo ke bare me us agyat shakhs ne btaya tha. Ab mai ek ek kar tere divya aabhushan tere sharir se alag kar dunga aur uske bad tu shaktihin ho jayega.

Lekin usse pahle hi bhedia apni bhedia fauz ko bula leta hai.

Bhedia- chale aao meri bhedia fauz ke vafadar bhedio.

Bhedia ke pukarne ke sath hi bhedia fauz wha pahuch gyi aur bhedia ke ek ishare par bhedia fauz ne vampier ko cheer-fad dala.

Iske bad bhedia behosh pde masaba ki aur badta hai jo vampire ke hamle se darkar behosh ho gyi thi. Bhedia masaba ko hosh me lata hai.

Masaba-aah kobi tum aa gye.(masaba ne abhi bhedia ka chehra nhi dekha hai.) mai tumhe dundh dundh kar preshan hi ho gyi thi....
(masaba bhedia ka chehra dekh leti hai)
.... Bhedia t...tum kobi kidhar hai aur t..tumhare sharir ka rang kobi ke jaisa kyu hai?

Bhedia ko jawab dete nhi ban rha tha.

Bhedia- [oh itne dino se masaba ko kuchh ni pta aisa shayad isliye hua ki 1 saal se apne kabile ki parmpara ke anusar har 3 saal ke baad 4the saal me kabile vasi wha tarah tarah ki prtiyogitaye karwate hai. Masaba in sab me uljhi rah gyi hogi aur use kobi ka dhyan nhi aaya hoga.par ab mai ise kaise samjhau ki kobi to mere sharir ka hissa tha aur wah wapas mere sharir me sama gya hai.]

Bhedia abhi ye soch hi rha tha ki masaba bhedia ko ek taraf dhakel deti hai.

Masaba- bacho bhedia.

Bhedia to bach jata hai par bhedia fauz ke ek bhediye ka panja masaba ko gahra jhakhm dete nikal jata hai.

Bhedia- wuf wuf( tum sabne masaba par hamla kyu kiya?)

Par bhedio par iski koi pratikirya nhi hoti. Ek bhediya masaba ki taraf badta hai aur baki bhedia ki taraf.

Bhedia- [inke irade nek nhi lagte mujhe masaba ko bachana hoga. Par ye badlav inme aaya kaise? Vampire ko marte waqt to ye shi the achanak inme ye badlav aaya kaise? Vampire oh meri ek do bar vampire se takkar huyi hai aur ye jiska khun chakh lete hai use bi apne jaisa bna dete hai. Yani ye bhediye bi vampier ban gye hai aur agar inhone mujhe kat liya to mai bi vampire ban jaunga. Mujhe masaba ko bi in bhediao se bachana hoga.]

Bhedia masaba ke sharir ko apni punchh ki sahayta se ek ped par latka deta hai aur fir apne kdo ko jo vampire se ladayi ke dauran gir gye the unhe wapas pahankar gda prakat karta hai aur bhedio ko maar dalta hai.

Iske bad bhedia masaba ko lekar fuzo ke aashram me pahuchta hai. Masaba ko ghayal dhekkar fuzo masaba ki marham-patti karta hai.

Fuzo- Ise ye chot kaise lga? Khun jyada bah jane se ye achet ho gyi hai.maine ise aushadi(dwa) lga di hai. Jaldi hi ye thik ho jayegi.

Bhedia- darasal ye kobi ko dhundh rhi thi. Ise pta nhi tha ki kobi ab mere sharir ka hissa ban gya hai. Aur usi karm me ispar ek vampier ne hamla kar diya aur muthbhed ke dauran ye ghayal ho gyi. muthbhed ke waqt us vampire ne vulfano ka jikra kiya tha.mujhe vulfano se iske sambhandh aur vampire jati se vulfano ko bachane ke liye vulfano jana hoga.

Aur bhedia vulfano ke liye ravana ho jata hai.

Aage kya hua janne ke liye pde 2nd part Smile
Back to top Go down
View user profile
 
SHADYANTRA
View previous topic View next topic Back to top 
Page 1 of 1

Permissions in this forum:You cannot reply to topics in this forum
Indian Comics Fan Universe Club :: WORKSHOP :: WRITING WORKSHOP :: STORIES IN PROGRESS-
Jump to: